Реже – џин Пејџ, кој го глумеше Сајмон Басет во првата сезона на популарната серија на Нетфликс „Бриџертон“, е прогласен за најубав маж на светот.
Козметичкиот хирург по име Џулијан де Силва ги откри резултатите според „златниот пресек“ – Пејџ беше јасен победник, а неговото лице беше 93,65 проценти прецизно на златниот пресек. На второ место е Крис Хемсворт со 93,53 отсто, додека Мајкл Б. Џордан е трет со 93,46 отсто.
Де Силва за актерот рече: „Реже победи поради неговото класично згодно лице и убави кафени очи. Тој лесно имаше највисока оценка за растојанието меѓу очите, а неговата положба на очите беше исто така висока. Неговите совршено формирани усни исто така постигнаа високи поени и единствениот резултат што беше малку помал беше ширината и должината на носот“.
Оценката се засновани на компјутеризирано мапирање на мерењето на физичкото совршенство врз основа на златниот пресек и го одредува физичкото совршенство на една личност. Колку лицето е поблиску до соодносот 1:1.618, толку е посовршена личноста.
Де Силва рече: „Овие целосно нови техники на компјутерско мапирање ни овозможуваат да решиме некои од мистериите за тоа што некого го прави физички убав, а технологијата е корисна во планирањето на операциите на пациентите“.
Според пресметките на Де Силва, Хари Стајлс е на четвртото место со 92,3 отсто, англискиот фудбалер Џуд Белингем е петти со 92,22 отсто, а шести е Роберт Патисон со 92,15 отсто. Да потсетиме, Патисон летово по истата формула беше прогласена за најубав маж на светот.
Листата продолжи со Крис Еванс на седмото, Џорџ Клуни на осмото, Хенри Голдинг на деветтото и Двејн Џонсон на последното место.
