Доколку сте љубител на шпагети, а притоа сакате да експериментирате со вкусовите овој рецепт е како создаден за вас. Брзите и лесни сосови се одличен додаток во тестенините затоа што го збогатуваат нивниот вкус. Овој пат наместо Карбонара или Болоњезе сос направивме интересен спој на неколку видови сирења и мелено месо со многу доматен сос.
Состојки:
– 700 милилитри доматен сос
– 450 грама шпагети
– 450 грама мелено говедско месо
– 400 грама рендана моцарела
– 300 грама урда
– 30 грама рендан пармезан
– 5 лажици путер
– 2 јајца
– 1 кромид
– сол и бибер по желба
– босилек по желба
Подготовка:
1. Загрејте ја рерната на 180 Целзиусови степени. Сварете ги шпагетите според упатството на пакувањето, односно „ал денте“. Во поголема тава пржете ги кромидот и меленото месо сè додека месото не добие златно-кафеава боја. За тоа ќе ви бидат потребни околу десетина минути. Потоа во тавата додадете го сосот од домати како и сол и бибер. Тргнете ја тавата од оган.
Во поголем сад изматете две јајца, измешајте ги со растопениот путер и ренданиот пармезан. Во смесата додадете ги сварените шпагети и сè убаво измешајте. Во сад за печење ставете половина од сварените шпагети и распоредете ги по целата површина.Врз шпагетите ставете половина од урдата, сосот, меленото месо и моцарелата.
Постапката повторете ја со другата половина од состојките. Покријте ја тавата со алуминиумска фолија и печете во рерна околу 40 минути. Отстранете ја алуминиумската фолија и печете сè заедно уште 20 минути за да се растопи кашкавалот. Послужете со свеж босилек.
Добар апетит!
