Боење јајца со помош на чај е многу лесна техника, а кога ќе го видите крајниот резултат – ќе бидете пресреќни!
На само неколку дена нè делат од Велигден, а подготовките за вапсување на јајцата се на добар пат. Иако досега сигурно сте слушнале за бројни техники, ние ви носиме една од наједноставните – користете чај од хибискус и на сосема природен и лесен начин ќе добиете прекрасни јајца кои, сигурни сме, ќе ги маѓепсаат сите!
Имено, за овој начин на фарбање ви се потребни бели јајца, но доколку имате жолти, можете да ги избелите.
Потребни состојки:
Чај од хибискус
сурови бели јајца
80 гр чај од хибискус (доволно за 10 јајца)
алкохолен оцет
фолија
Постапка:
Пред да готвите, нежно избришете ги јајцата во млака вода. Потоа ставете ги во тенџере со половина литар ладна вода и 400 мл алкохолен оцет и варете ги 11 минути. Кога ќе се појави пена на површината на водата, внимателно отстранете ја со лажица. Потоа прелијте ги јајцата со ладна вода и повторно избришете ги со чист сунѓер.
