После Елвис, Елтон Џон и Фреди Меркјури, Џорџ Мајкл ќе добие свој биографски филм. Според многумина, најзгодниот, но и најомразениот лик од „Белиот лотос“, Тео Џејмс, треба да ја добие улогата на легендарниот пејач, како што пишува Дејли Меил.
Снимањето на филмот за Џорџ Мајкл беше одобрено од неговото семејство откако го виде успехот на биографските филмови за Елтон Џон и Фреди Меркјури. Филмот ќе ја следи неговата кариета и неговиот успех како соло уметник со хитови како „Careless Whisper“ и „Fate“.
„Сценариото е во завршна фаза и продуцентите го бараат главниот актер. Името на Тео се појавува многу. Тој би бил совршен за улогата“, вели изворот. Џејмс, како и Џорџ, има грчко потекло. Неговиот дедо Никос избегал од Атина во 1941 година.
Самиот Џејмс го потврди својот интерес за улогата минатата недела.
„О, да, јас би го сакал тоа. Тој е икона. Тој е делумно Грк, како мене“, рече тој. Инаку, Тео стана ѕвезда по неверојатниот успех на серијата на HBO „Белиот лотос“. Пред тоа, тој глумеше во трилогијата Divergent, како и во бројни серии и филмови.
