Во фоајето од Центарот за култура „Марко Цепенков“ во Прилеп вечерва во 19 часот концерт на флејта ќе одржи Страшо Темков. Пијано придружба ќе биде Сара Пројковска.
Страшо Темков е прв флејтист солист на Македонската филхармонија, член е на „Македонскиот дувачки-квинтет“ и на ансамблот за современа музика „Св.Софија“. Како солист има реализирано повеќе рецитални програми и солистички настапи, манифестации и фестивали во земјава и во странство. Членувал во жири комисии на меѓународни натпревари. Темков е вонреден професор по флејта на ФМУ.
Пијанистката Сара Пројковска исто така има настапувано во земјава и во странство на бројни манифестации и фестивали.