Група од 26 туристи уживале во патувањето од соништата во Црвеното Море во Египет пред нивната јахта ненадејно да се преврти.
Британски турист опиша како тој и другите го издржале пеколот додека биле на јахта долга 41 метар во областа позната како египетски „Бермудски триаголник“.
Но, наместо да создадат брилијантни спомени што никогаш нема да ги заборават, нивниот одмор од соништата се претворил во „кошмар“ кога бродот со кој патувале драматично се превртел во понеделникот. Само благодарение на брзото размислување и тимската работа на сите успеале да преживеат.
Тогаш сите до еден останале без пасоши, а наместо да им помогнат од компанијата одговорна за бродот, тие ги притиснале да дадат лажни изјави на властите. Застрашувачката снимка ја покажува групата на бродот додека се навалува и се лизга во водата. Може да слушнете пцовки и врисоци додека некои се фрлаат во морето во близина на Хургада, во Црвеното Море, во близина на влезот на Суецкиот канал.
Друго видео потсетува на сцени од Титаник, оставајќи ја групата да се држи за делови од бродот кои се расфрлани по брановите. Дејвид Тејлор (53), архитектонски техничар од Нотингемшир, знаел дека нешто не е во ред кога се разбудил и нашол риба како плива пред прозорецот од неговата кабина – наместо идиличниот поглед на небото. Очевидци велат дека морето било мирно, а небото сино кога јахтата „Карлтон Квин“ наеднаш почнала да тоне.
Говорејќи за Телеграф, г-дин Тејлор рече: „Викавме за помош, слушнавме сè како се урива над нас и имавме длабоко вкоренето чувство на страв дека нешто страшно се случува. Чувствував дека не можам да го заштитам мојот син и јас почнав да паничам“.
Footage from one of our fellow divers onboard the Carlton Queen documenting its sinking and our rescue. We are currently trying to raise funds for those that lost their livelihoods as diving instructors through Go Fund Me. Please share. https://t.co/cWQkYazn2c pic.twitter.com/uwggFRewLM
— Toby Meadows (@MeadowsToby) May 4, 2023
Тоби Медоус, 48-годишен моден консултант од северен Лондон, исто така бил на палубата кога чамецот почнал да тоне и заедно со неговиот брат имал среќа да преживее прилепувајќи се за шината на бродо т.
