Кокос или како што многу луѓе сакаат да ги нарекуваат – Рафаело топчиња, многу често се наоѓаат на масата со многу други суви колачиња.
Покрај тоа што е едноставна, оваа верзија не бара дополнителни засладувачи, па задоволството е уште поголемо, бидејќи нема да чувствувате вина да консумирате рафиниран шеќер.
За овој рецепт ќе ви бидат потребни:
– околу 250 грама кокосово брашно;
– една конзерва кондензирано млеко;
– околу 50 грама бадеми.
Подготовка:
Во сад измешајте ги кокосовото брашно и кондензираното млеко и оставете неколку минути да се соединат состојките. Количината на смесата за едно топче одвојувајте ја со лажица, а во средината ставете бадем.
Ако не сакате да јадете сирови бадеми со кожа, можете да ги бланширате. Постапката е едноставна. Ставете ги бадемите во тенџере и покријте ги со вода. За тоа време вклучете ја рерната на 100 степени за да се загрее. Кога водата ќе зоврие, измешајте ги бадемите и исклучете го шпоретот.
Процедете ја водата и измијте ги бадемите под ладна вода. Потоа исцедете го бадемот од кората. Кога ќе ги исцедите сите бадеми, ставете ги во тавче со хартија за печење и исушете ги во рерна загреана на 100 степени околу 15 минути. Кога ќе бидат готови, оставете ги да се изладат и потоа искористете ги за рецептот.
