Многумина веруваат дека никој навистина не познава никого додека не почнат да живеат со таа личност. Многумина се во право. Вселувањето во заеднички стан за многу парови, за жал, е првиот чекор кон раскинување.
За среќа, на повеќето работи лесно се навикнувате, иако понекогаш е потребно време, но некои работи се тешки, а понекогаш и невозможно да се преболат.
Ова се навиките кои водат до раскинување:
(Не)хигиенски навики
Секој од нас прави нешто што на друга личност изгледа едноставно незамисливо кога станува збор за хигиената. Жените често се шокирани од она што просечниот маж го смета за редовно туширање, а мажите се борат да ги идентификуваат сите производи што и се потребни на жената за да изгледа „природно“.
Начинот на кој спиеме
Повремено споделување на креветот е една работа, но постојаното будење и спиење покрај некоја личност е нешто сосема друго. Истражувањата покажуваат дека на повеќето луѓе им треба време да се релаксираат и да почнат да спијат покрај друга личност, исто како што спијат сами, и затоа нема ништо чудно во тоа што дури по вселувањето почнуваат да ги откриваат сите мали иритирачки навики што некој ги има додека спие. Грчење, ‘рчење, месечарење и слично се само некои од нив.
Разбирање на личниот простор
Личниот простор е многу интересна категорија – на некои луѓе им треба многу, на некои помалку, а некои воопшто не разбираат што значи тоа. Ова е еден од најголемите проблеми при започнувањето на заедничкиот живот, бидејќи доколку има нееднаквост во потребите и разбирањето на личниот простор, расправиите се неизбежни.
Чудни хоби и навики
Сите можеме многу добро да ги скриеме нашите мали, чудни хоби и навики кога живееме сами, но штом ќе почнеме да делиме простор за живеење со некого, прашање на време е кога сè ќе излезе на површина. Некои од овие работи знаат да бидат пријатни, а некои да доведат до раскинување.
